Հայրենի սահմանամերձ գյուղերում օրեցօր գլուխ բարձրացնող խնդիրները միշտ չէ, որ ունեն համալիր կամ մասնակի լուծում ենթադրող ծրագրեր։ Ուստի, «Նոր Նախիջևան» մարդասիրական հիմնադրամը հարկ է համարում կազմակերպել ամենամյա «Հանուն գյուղացու աշխատանքի» սոցիալական ծրագիրը։ Ծրագիրը իրականացվելու է առաջին հերթին Ադրբեջանի հետ ՀՀ սահմանամերձ գյուղական բնակավայրերում, ինչպես նաև հնարավորության սահմաններում հայրենի այլ գյուղական բնակավայրերում։ Ծրագիրը ներառելու է երկու հիմնական ուղղություն․ առաջին՝ ուսումնասիրություն, երկրորդ՝ գյուղատնտեսական ենթածրագերի իրականացում։ Ուսումնասիրության նպատակն է լինելու պարզել առանձին ընտրված գյուղական բնակավայրերում առկա հիմնախնդիրները և վեր հանել դրանց հնարավոր լուծումն ապահովող ենթածրագրեր։ Գյուղատնտեսական ենթածրագերի իրականացում նախատեսող ուղղությունը կոչված է լինելու հասցեական աջակցություն ցուցաբերել գյուղական բնակավայրերին և գյուղատնտեսներին։ Նշված ուսումնասիրությունն իրականացնելու և տիպային բնույթ կրող գյուղատնտեսական ենթածրագրերը կազմելու համար հիմնադրամը հայտարարում գյուղմասնագետի ընտրության մրցույթ։
Ծրագրին դիմելու վերջնաժամկետ է սահմանվում հոկտեմբերի 31-ը։ Ծրագրին ծանոթանալու համար անհրաժեշտ է մուտք գործել այստեղ ։
