Ամանորյա նվեր 2024

Ծրագրին արձանագրվելն ընթանում է երկու փուլով։

• Առաջին փուլում պետք է մուտք գործել այս հայտարարության վերջում նշված «Արձանագրվեք այստեղ» կոճակի միջոցով ծրագրի հարցարան։ Այնուհետև անհրաժեշտ է լրացնել հարցարանը՝ պատասխանելով հարցերին՝ նշված օրինակներին համապատասխան։ Հիմնադրամը ուսումնասիրում է հայտերը։

• Երկրորդ փուլում ներկայացված պահանջներին համապատասխանող հայտատուների հետ հեռախոսազանգի միջոցով կապ է հաստատվում։ Մասնակցելու իրավունք ստացած հայտատուների վերջնական արձանագրումը հաստատելու նպատակով ստուգվում են լրացված տվյալները՝ հայտատուից ստանալով անհրաժեշտ փաստաթղթերի սքան կամ հեռախոսով լուսանկարաված տարբերակները։

Եթե Ձեզ ընտրեն, ապա անհրաժեշտ է լինելու հետևյալ փաստաթղթերի ցանկը ներկայացնել։

1․ զոհված, անհայտ կորած զինվորականի երեխաների դեպքում պետք է ուղարկել՝

• երեխայի զոհված կամ անհայտ կորած ծնողի կարգավիճակը հաստատող փաստաթուղթ,

• երեխայի մայրիկի անձնագիր (նկարի և գրանցման էջերը),

• երեխայի ծննդյան վկայականը։

2․ 2023 թ․ սեպտեմբերի վերջից Արցախից տեղահանված ընտանիքների երեխաների դեպքում պետք է ուղարկել՝

• ուղեկցող ծնողի փախստականի քարտը,

• երեխային ուղեկցող ծնողներից մեկի անձնագիր (նկարի և գրանցման էջերը),

• երեխայի ծննդյան վկայականը։

Ծրագրին մասնակցելու հաստատումը ստանալուց հետո մասնակիցը կտեղեկացվի հանդիպման վայրի, օրվա և ժամի մասին հավելյալ։

Սահմանված օրը ծրագրին չմասնակցելու դեպքում նվերի փաթեթ չի տրամադրվում։

Ծրագրին գրանցվելու վերջնաժամկետն ավարտվում է այն ժամանակ, երբ արձանագրվողների թիվը հասնի շուրջ 200 հայտի։