ՄԵՆՔ առաջնորդության դպրոցն ամփոփեց 2023 թ․ արդյունքները

Հիմնադրամը 2023 թ․ տարին սկսեց նոր ծրագրերի մեկնարկով։ Ինչպես և անցյալ տարի, այս տարի ևս իրագործվեց «ՄԵՆՔ» առաջնորդության դպրոցը։ Երիտասարդ առաջնորդների բացահայտման ու նրանց մասնագիտական որակների բարձրացմանն ուղղված ոչ ֆորմալ կրթության տարրեր պարունակող ծրագիրը երկրորդ տարին անընդմեջ առավել ճանաչելի և ընդունելի է դառնում մեր երիտասարդների շրջանում։ Համաձայն ծրագրի պայմանների, ներկայացված հայտերից ընտրվեցին հայտարարված պայմաններին առավել համապատասխանող հայտերը։ Երկրորդ փուլում տեղի ունեցած հեռավար հարցազրույցի արդյունքում ընտրված հայաստանյան տարբեր բուհեր ու մասնագիտություններ ներկայացնող շուրջ 13 մասնակիցներ հնարավորություն ունեցան հետաքրքիր ու կիրառական գիտելիքներ տվող դասախոսություններ լսելու։ Ծրագրի վերջում 7 մասնակից մինչև տարեվերջ ամսական դրվածքով կրթաթոշակ կստանան, իսկ 5-ն էլ՝ մեկանգամյա կրթաթոշակ։