Սահմանապահ 2022
Սահմանապահ 2022 (համառոտ նկարագրություն)
Մեր հայրենիքի անվտանգային խնդիրները միավորել և միավորում են շատ անհատների ու կազմակերպությունների։ Այս նպատակով «Նոր Նախիջևան» մարդասիրական հիմնադրամը (այսուհետ՝ հիմնադրամ) հարկ է համարում հայրենիքի սահմանի անվտանգային և դրա հետ կապված խնդիրների լուծմանն իր նպաստը բերելու համար կազմակերպել «Սահմանապահ» ծրագիրը։ Մեր նպատակն է լինելու աջակցել այն կազմակերպություններին և/կամ հայրենակիցների խմբերին, որոնք հայրենիքի սահմանի պաշտպանության գործում այս կամ այն ձևաչափով մասնակցություն ունենալով հանդերձ՝ առանձին ապրանքների ձեռքբերման կարիք ունեն։
Ովքե՞ր կարող են մասնակցել։
Ծրագրի մասնակիցների շրջանակը նախատեսում է ներառել այն կազմակերպություններին և/կամ հայրենակիցների խմբերին, որոնք հայրենիքի սահմանի պաշտպանության գործում այս կամ այն ձևաչափով մասնակցություն ունենալով հանդերձ՝ առանձին ապրանքների ձեռքբերման կարիք ունեն։
Ինչպե՞ս գրանցվել։
Աջակցության կարիք ունեցող կազմակերպությունը և/կամ հայրենակիցների խումբը գրավոր դիմում է հիմնադրամին՝ հիմնավորելով աջակցության հարցը։ Հիմնադրամի տնօրենը դիտարկում է հիմնավո-րումը, որի դրական պատասխանի դեպքում ծրագրով նախատեսված միջոցների սահմաններում ձեռնարկվում է աջակցության տրամադրումը։ Հիմնադրամն իրեն իրավունք է վերապահում չդիտարկել և անպատասխան թողնել ծրագրի նպատակներին չհամապատասխանող, պատշաճ չհիմնավորված և առհասարակ վստահություն չներշնչող դիմումները։ Ծրագրով նախատեսված գումարների կիրառումից հետո ավարտվում է ծրագրի տարեկան իրականացման փուլը։
